bedehusweb.no

Sundag 23. oktober er det klart for haustens tredje storsamling, denne gong i Norheimsund bedehus. Me får besøk av journalist Johanna Hundvin Almelid. Ho er journalist i avisa Dagen. Temaet for samlinga er «Gud i vårt bilde?». Almelid har skrive boka «Søker: Gud – om åndelig lengsel i vår tid». Det blir også song av barnekoret SHINE. Samlinga startar kl. 17.00. Velkomen!

Det er snart klart for niande utgåve av ungdomskonferansen Rejoice. Rejoice 2011 går av stabelen 28. – 30. oktober i Norheimsund bedehus. Evangelist Tor Ingvald Lauvrak er årets talar. Han er 33 år, kjem frå Askøy og er tilsett som forkynnar i IMF. «Jeg brenner for at ungdom skal få
møte Jesus. Da er det fantastisk å være et sted der det blir lagt til rette for
dette.» Tema for årets konferanse er «Frihet».

Paul Grønseth skal vere lovsongsleiar. Paul er lovsongsleiar i Ungfila i Oslo. Bli betre kjent med han i denne artikkelen henta frå iTro (NLM).

På Rejoice vert det møte, seminar, kafe, fotball- og volleyballturnering i Norheimsund idrettshall, lovsongskonsert med Paul Grønseth og konsert med koret Gospel Bergen. Her finn du meir info om Rejoice 2011!

Fortsett å lese «Rejoice 2011»

Det er september og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – september 2011: Arne Kaldestad.

Fortsett å lese «Månadens profil – september 2011»

Krik Kvam ynskjer velkomen til Krik 13-19. Krik 13-19 er for alle frå 8. klasse t.o.m. vidaregåande skule. Me har fått ny treningstid. Frå no av blir det trening onsdagar kl. 20.00 – 22.00 i Norheimsund idrettshall. Her blir det leik og moro, ballspel og andakt. Klikk her for meir info om datoar. Fyrste Krik 13-19 – samling blir onsdag 14. september. Velkomen!

Norheimsund & Øystese Ungdomskor, Krik Kvam og Origo Ungdomsklubb ynskjer velkomen til weekend 30. september – 2. oktober. Turen går til leirstaden Helgatun som ligg mellom Voss fjellandsby og Vikafjellet. På turen satsar me på å bli godt kjent og skape eit godt samhald. På programmet står blant anna aktivitetar som fotballturnering, natursti, bordtennis, dyrelotto, lovsong og underhaldning av topp klasse! Fortsett å lese «Ungdomsweekend på Helgatun»

Sundag 11. september kl. 20.30 er det klart for sundagssamling i Øystese bedehus. Det blir lovsong, bøn, song av Nancy Karine Sangolt, samtale og kollekt. Her finn du oversikt over kor tid det er sundagssamling i haust. Velkomen til Øystese bedehus på sundag!

På tysdagsmøtet til Norheimsund Indremisjon 6. september tala sokneprest Johnny Knudsen om «Dei sju dødssyndene». Du kan høyre talen på podcasten vår.

Sundag var det storsamling i Norheimsund bedehus. Omlag 80 personar deltok. Kjell Strømme tala over temaet «Dersom, viss, så framt, i fall…». Du kan høyre talen hans i podcasten (sjå meny til høgre). Klikk «les videre» for å sjå nokre bilete frå stortsamlinga. Her finn du oversikt over storsamlingane i haust. Her finn du oversikt over sundagssamlingane.
Fortsett å lese «Haustens fyrste storsamling»

Me startar no ein ny serie her på bedehusweb.no, månadens profil. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – august 2011: Lisbeth Hanne Fredheim Oma.
Fortsett å lese «Månadens profil – august 2011»

Sundag 28. august kl. 17.00 blir det storsamling i Norheimsund bedehus. Det vert song og musikk, tale v/ Kjell Strømme, kollekt, eige opplegg for borna og kveldsmat. Tema for denne samlinga er «…dersom, viss, så framt, i fall…». Alle er hjarteleg velkomne!
Det vert i alt fire storsamlingar i haust. Nytt av året er at det i tillegg vert arrangert sundagstreff mellom storsamlingane. Det vil seie at det vert kun to veker mellom samlingane. Meir info om sundagssamlingane kjem etter kvart. Møtekalenderen er no oppdatert. Velkomen til nytt semester!