bedehusweb.no

Laurdag 28. april kl. 17.00 skipar Øystese Musikklag til vårkonsert i Øystese idrettshall. Dei har invitert med seg Norheimsund & Øystese Ungdomskor og kulturskulebandet Bandit. På grunn av konfirmasjonstid klarar ikkje ungdomskoret å stille med heile koret. Ei gruppe beståande av 10-12 songarar og band skal vere med. Ungdomskoret oppmodar folk om å kome på konserten!

Fredag 27. april er det klart for årets bedehusbasar i Norheimsund bedehus. Basaren startar kl. 18.30. Det vert loddsal frå kl. 18.00. Martha og Edgar Paulsen deltek med andakt og song. Det vert åresal, hovudtrekning og kaffiøkt. Alle er velkomne!

Fyrste sundag etter påske, 15.april, vert det storfamiliesamling i Øystese idrettshall. Ulike barne- og ungdomskor i Kvam har eit fellesprogram under tittelen “Spre litt glede!” og syng i tillegg eigne songar. Therese Glendrange frå Flekkefjord har andakt. Ho er ny direktør for Normisjon sitt arbeid i Mali, og har arbeidd mykje blant barn og unge t.d. med sundagsskule og leirarbeid. Kom og lat deg inspirera av Therese og barn og unge i Kvam! Ta med heile familien, besteforeldre og barnebarn, naboar og vener! Arrangør er Storsamlinga, Norheimsund og Øystese Indremisjon. Velkomen!

Fortsett å lese «Spre litt glede!»

Fredag 13. april kl. 20.00 arrangerer Origo Ungdomsklubb og Øystese Sokneråd ungdomsgudsteneste i Øystese kyrkje. Lars Arne Vik er prest. Norheimsund & Øystese Ungdomskor deltek med song og musikk. Det vert bønevandring og nattverd. Etter gudstenesta inviterer Origo til kafe i Øystese bedehus. Alle er hjarteleg velkomne!

Tenk å få reisa på familieleir med bibelsamlingar, møte, mat, leikar, humor, alvor, musikk, song og masse aktivitetar tilrettelagt for heile familien. Indremisjonssamskipnaden (IMS) har eit strålande tilbod på Brandøy og Helgatun 6.-10.juli. Påmeldingane er alt komen i gang. Spreke og oppfinnsame leiarar står klare til å leggja alt til rette på beste måte for alle som kjem. Borna og ungdommane vert delt inn i ulike klassar slik at samlingane og aktivitetane skal passa for den enkelte. Dei vaksne skal også få dekkja sitt behov med tanke på undervisning og opplegg. Og sjølvsagt vil me ha fellessamlingar for alle. For mange betyr det mykje at me har ”barnevakter” i gangane på kveldane slik at dei vaksne kan vera på si samling og veta at borna har det tryggt der dei er.

Fortsett å lese «IMS-familieleirar på Brandøy og Helgatun»

Det er mars og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – mars 2012: Anne Laupsa Bjelland.

Fortsett å lese «Månadens profil – mars 2012»

På det ekstraordinære årsmøtet 9. mars vart Vidar Grindheim vald som ny styreleiar i Norheimsund Indremisjon. Han har også tidlegare fungert som lagsleiar for NIM. Me ynskjer Vidar velkomen tilbake!

Kvar onsdag morgon kl 08.00 er det bønemøte i kjellaren i Øystese bedehus, i regi av Øystese Indremisjon og Øystese kyrkjelyd. Me kan be for deg! Treng du forbøn eller har du eit bøne- eller takkeemne, kan du senda ein e-post til Hans Kristian Bjelland (hkbjel@broadpark.no). Me vil be for deg og/eller det du vil me skal be for når me samlast.

Sundag 18. mars kl. 16.00 arrangerer Norheimsund & Øystese Ungdomskor basar i Norheimsund bedehus. Det vert både boktrekning og åretrekningar. Arne Opsahl-Engen held andakt og ungdomskoret syng. Konferansiér er Geir Johnny Undal. Det er mange flotte gevinstar. Hovudgevinsten er ein godt utstyrt kajakk. Ta med vener og familie og kom på basar!

Fredag 24. februar reiser Norheimsund & Øystese Ungdomskor på turne til Telemark. Base blir i Skien. Koret skal ha møte og konsertar i Skien, Stathelle, Porsgrunn, Kviteseid og Langesund. I år samlar koret inn midlar til eit Ungdom i Oppdrag-prosjekt blant Arsi-folket i Etiopia. Prosjektet går ut på å skaffe midlar til byggjing av kristne skular og barnehagar i mulimsk oråde. Prosjektet er støtta av Norad. Medlemmene betalar turen sjølve, så alt som kjem inn går uavkorta til prosjektet. Reisfylgje tel totalt 40 personar. Måndag 5. mars kl. 19.30 kan du høyre koret i Øystese kyrkje. Då inviterer foreldregruppa i koret til heimkomefest. Ver med å be for turneen!