bedehusweb.no

Sundag 30. mars kl. 16.00 arrangerer Norheimsund & Øystese Ungdomskor basar i Norheimsund bedehus. Det vert både boktrekning og åretrekningar. Konferansier er Lisbeth Fredheim Oma. Det er mange flotte gevinstar, bl.a. ein iPad. Ta med vener og familie og kom på basar!

Tysdag 25. mars kjem Ansgar Gospel Choir på besøk til Origo og Framnes. Det blir konsert på Framnes kl. 20.00. Gratis inngang. Velkomen! www.ansgarskolen.no

Måndag 31. mars kl. 19.30 held Norheimsund & Øystese Ungdomskor konsert i Ålvik kyrkje. Gratis inngang – kollekt. Velkomen! Arr.: Ålvik Sokneråd

Torsdag 13. mars kl. 18.00 er du velkomen til årsmøte for Øystese Indremisjon (ØIM) i Øystese bedehus. Det blir val, gjennomgang av årsmelding og årsrekneskap og samtale om arbeidet. Velkomen til årsmøte!

Det Norske Misjonsselskap (NMS) sine foreiningar i Vikøy og Norheimsund skal ha basar fredag 14. mars i Norheimsund bedehus kl. 18.30. Det vert andakt av Sokneprest Johnny Knudsen. Heims Musikklag skal spela og me skal ha servering. Åretrekningar og trekking av loddbøkene. Det er alltid kjekt med basar. Me har ein gild kveld saman, samtidig som me får gi ei gåve til det viktige arbeidet som NMS gjer i mange land. Det vert loddsal på Rema 1000 og Coop Prix i Norheimsund. Velkomne på basar!

Kvart år reiser Norheimsund & Øystese Ungdomskor på turné i vinterferien for å samle inn pengar til eit prosjekt. Dette året går turen til Østfold og Akershus. I løpet av ei lita veke skal koret halde konsertar rundt om i fylka. Base blir på Solbukta Ungdomssenter i Gresvik utanfor Fredrikstad. I år blir det samla inn til eit HimalPartner-prosjekt i Nepal. Prosjektet støttar arbeidet som blir drive mellom psykisk utviklingshemma og mentalt sjuke i Kathmandu, Nepal. Målet er at dei sjuke kan få eit liv der dei blir inkludert i samfunnet og blir respektert som verdifulle menneske. Turnékostnadane betaler ungdommane sjølve, så alle innsamla midlar går uavkorta til koret sitt misjonsprosjekt.
Fortsett å lese «Ungdomskoret samarbeider med HimalPartner»

Norheimsund bedehus søndag 16. februar kl. 11.00: Vi får vitjing av (biletet), ein av redaktørane i Dagen. Ho har skrive mykje om kristenforfylgjinga ute i verda. Særleg har våre kristne brør og systre i dei islamistiske og kommunistiske diktatur det vanskeleg. Denne forfylgjinga vert lite omtala i dei store media. Difor har vi eit ansvar med å gjera dette kjent slik at vi kan vise omsorg for dei både i bøn og praktisk. Jesus seier til læresveinane at dei kjem til å bli forfylgde i verda. Og sanneleg har dei kristne blitt forfylgde til alle tider. I våre dagar er det mange millionar og ca. 6-7000 (Dagen 6/12-13) vert drepne kvar år. Korleis stiler vi oss til dette? Kan vi vera likesæle til ein slik urett? I 1.Joh.3,17 stiller apostelen eit nærgåande spørsmål: ”Men den som har meir enn nok å leva av, og likevel let att hjarta sitt når han ser bror sin lida naud, korleis kan han ha Guds kjærleik i seg?” Kari Fure vil fortelja meir om dette under tema: Religionsfridom. Dette føremiddagsmøtet vert i lag med Storsamlinga. Vel møtt!

Velkomen til årsmøte i Norheimsund Indremisjon fredag 7. februar kl. 18.30. Her kan du lese årsmeldingar for Norheimsund Indremisjon, Husstyret for Norheimsund bedehus, Storsamlinga, Origo Ungdomsklubb, Krik Kvam, Norheimsund & Øystese Ungdomskor, Junior Ving, samt sjå årsrekneskap og oversikt over kven som stiller til val i år.
Fortsett å lese «Årsmeldingar Norheimsund Indremisjon 2013»

Her kan du lese medlemsbrevet for januar 2014.
Fortsett å lese «Medlemsbrev for Norheimsund Indremisjon»

Sundag 29. desember (5. juledag) kl. 17.00 vert det julefest i Øystese bedehus! På programmet står blant anna andakt v/ Lisbeth Fredheim Oma, juletregang, sanginnslag og kaffi og kaker. Det blir tatt opp kollekt til Strømmestiftelsen. Alle er velkomne! Arr.: ØIM