bedehusweb.no

I eit samarbeid mellom Norheimsund Indremisjon og Vikøy kyrkjelyd er ønsket og vona at omsorg og omtanke gjennom forbøn skal bli endå meir tilgjengeleg. Det er berre å nytte tlf.nr. og e-postadr. nedanfor til meldingar til leiar for denne bønetenesta, Audun Aase. Bøneemna vil så bli fordelte mellom forbedarar som har teieplikt, og som over tid vil ta dei med i sine stille stunder. Og denne tenesta er for alt ein måtte kjenne det godt å få dele med nokon som vil stå med i det som er vanskeleg, eller det som ein opplever det er viktig å løfte fram i bøn. Dermed er det ikkje noko som er for lite eller ubetydeleg. Praktisk melder ein då så konkret som råd er, det ein ønskjer forbøn for. Ved bruk av namn er det gjerne greitt å avgrense seg til førenamn, om ein ikkje ønskjer full anonymitet. Ber ein om forbøn for andre, bør ein nok la dei vere anonyme, om ikkje vedkomande har sagt ja til å nemnast ved namn. Dei som sender inn bøneemne, og der ein av tlf.nr. eller e-postadr. kan avlese kven det er, vil bli anonymiserte ved utsending til forbedarane, om dei då ikkje ønskjer å nemnast ved (føre)namn.
Om det kjennest greitt, kan ein gjerne ved høve melde korleis det går eller om forbøna skal få eit anna fokus.
Mobilnr. å nytte er 415 21 905 eller e-postadr.: audun.aase@outlook.com.

Ekteskapet, barnet og Bibelen i ei kjønnsnøytral tid. Kva står på spel? Kva kan vi gjera? Nokre moment og spørsmål som Øivind Benestad vil ta opp på temamøtet i Norheimsund bedehus 16 okt kl 19.30:
For snart to år sidan vart det vedteke i Kyrkjemøtet å opna opp for likekjønna vigselsliturgi og lære om ekteskapet i Den norske kyrkja. To menn eller to kvinner kan no gifta seg i kyrkja. Det tradisjonelle og det nye synet på ekteskapet skal vera likestilte i undervisning og praksis.
Tysdag 16. oktober vert det arrangert eit ope temamøte i Norheimsund om utfordringar og konsekvensar i kjølvatnet av Kyrkjemøtet-vedtaket. Talar er Øivind Benestad.
Øivind Benestad er tilsett som dagleg leiar i Stiftelsen MorFarBarn. Han har tidlegare vore studentprest i Laget i ca 20 år, 10 av desse i Portugal, og seinare informasjonskonsulent i Åpne Dører. Han har vore aktiv i ekteskaps- og samlivsdebatten i samfunn og kyrkje gjennom mange år, blant anna som delegat på Kyrkjemøtet i sju år.
Alle er velkomne til ei interessant samling med spørsmål som desse: Har Bibelen si lære om ekteskapet gått ut på dato? Har barn ein gudgjeven rett til sin eigen far og mor? Kva er utfordringane frå den radikale kjønnsideologien? Kva visste Paulus om homofili? Kvifor er ekteskapet berre for mann og kvinne? Kor viktig er mor-far-barn-relasjonen? Kva kjenneteiknar den radikale kjønnsideologien som i stadig større grad pregar det norske samfunn? Kva er konsekvensane av den nye kjønnstenkninga – i samfunnet og for kristne organisasjonar?

Velkomen til Sundagstreff i Øystese bedehus 2. september kl. 11.00. Det blir tale ved Daniel Gammelsæter, song av Nancy Karine Sangolt, allsang leia av forsongarar, dagens profil, kollekt, barneopplegg og enkel servering. Møt opp!

Jarle Haugland er daglig leder i organisasjonen Tro og Medier, en kristen medieorganisasjon som jobber for kristen tro og gode verdier i mediehverdagen. Å følge Jesus i en verden full av skjermer er en sann utfordring. Kom og hør hva Jarle har å si oss om dette temaet, om hvordan vi kan veilede den oppvoksende slekt. Hvilke utfordringer møter barn og unge, kanskje mer enn vi vet om! Du kan lese mer om Tro og medier sitt arbeid her: https://troogmedier.no/dette-er-tm/
Det blir samtale rundt bordene etterpå. Kollekt til Tro og Medier sitt arbeid.

Mandag 27. august startar Norheimsund & Øystese Ungdomskor opp att med øving i Norheimsund bedehus kl. 19.30. Det vert også dette året øving annankvar gong i Norheimsund og Øystese. Semesterplan finn du her. Velkomen til nye og gamle songarar!

Det er skulestart og det er tida for å koma i gang med samlingar i Norheimsund bedehus. Inviter medvener og kjende til første samling for heile familien i Norheimsund bedehus søndag 26. august kl. 11.00. Gunnar Ferstad frå IMF vert med oss og talar over temaet: «Tena av nåde» ut frå dagens tekst. «Nåde» vert temaet vårt for samlingane også vidare i haust slik at me kan sjå meir inn i Guds uavgrensa nåde til kvar og ein av oss, og kva det gjer med oss. Barnegruppene SPARKS for 1-4. klasse og CUBBIES for 4-6år kjem i gangno og har samlingar alle søndagar det er møte på føremiddagen. Samlingane for borna inneheld bibelforteljing, song, smågrupper og leiker. Oppstarten vert også markert med felles middag for heile familien i etterkant av samlinga. Denne gongen vert det nydeleg kurdisk mat laga av våre vener frå Syria. Det er påmelding til middag innan fredag 24. kl. 12.00 til tlf. 47308981 (kr. 60,-/ familie kr. 180,-). Inviter med vener, naboar og kom!

Forsamlingsturen søndag 17. juni blir flytta frå Fitjadalen til Framnes Arena på grunn av dårlege vermeldingar. Oppmøte blir kl. 11.00. Ta med familien og vener og bli med! Samling med song og andakt ved Lillian Skippervik. Leiker for borna i fotballhallen. Ta med kaffimat og drikke. Arr.: NIM og ØIM.

Norheimsund Indremisjon ynskjer velkomen til 17. mai – fest i Norheimsund bedehus. Festen startar kl. 18.30. Årets talar er Gunnar Dalseth. Konkurranse, prolog, mat, kollekt, masse songar. Alle er velkomne!

Tysdag 29. mai kl. 19.30 i Norheimsund bedehus vert det medlemsmøte, ein viktig møtestad for å dela tankar om arbeidet og koma med gode innspel til styret.
Herdis Austevoll skal ha innleiing om Nådegåver og fellesskapet. Korleis kan ein oppdaga kva Gud har gitt oss å tena med i fellesskapet? Kva er viktig for at eit fellesskap kan vera sunt og velfungerande? Vidare vert det samtale rundt småbord om dette og elles erfaringar me har gjort oss denne våren m.o.t. søndagsmøtene, barneopplegg, tysdagsmøter, barne-og ungdomsarbeidet og kva andre arrangement som er viktig for fellesskapet vårt på bedehuset. Kva tenkjer me er viktig i tida framover? Set av kvelden og ver med å gjera fellesskapet på bedehuset til slik me ønskjer at det skal vera! Velkommen til undervisning, mat og prat!

Ole Abel Sveen og Johnn Hardang har songturné i Sunnholdland og Hardanger i mai. Laurdag 26. mai kl. 19.00 kjem dei til Norheimsund bedehus. Ole Abel Sveen har vore generalsekretær i DVI/ Indremisjonsforbundet og har elles hatt fleire stillingar i ImF. Han er 82 år og er både bestefar og oldefar, han kjem frå Sveio og er busett i Bergen. Han har gjennom heile livet sitt vore skatta – både som talar, sangar og musikar. Johnn R.Hardang har tidligare vore forkynnar i Langesundsfjordens Indremisjonsselskap, lærer ved Indremisjonsselskapets Bibelskole i Oslo, arbeida som lærer, vidare rektor på Bildøy Bibelskole. Frå 2003 arbeider han som Radio og TV- pastor i P7 Kristen Riksradio. Han er 64 år, gift, 5 barn og bur på Knappskog i Fjell kommune. P7 Kristen Riksradio er en kristen mediebedrift med seks ansatte, lokalisert på P7 Mediesenter i Fjell kommune på Sotra. Dei produserer livssynsprogram både for eigne DAB-kanalar og på FM for 25 lokalradioar, til dømes TV-programma God Søndag og Sanger til glede, som vert sende på Frikanalen og Kanal 10 Norge. Slik når dei meir enn 70 prosent av Norges befolkning. P7 støtter Trans World Radios (TWR) internasjonale arbeid i Argentina, Paraguay Venezuela, Hellas, Italia, Spania, Tadjikistan, Nord-Afrika og Midt-Østen.