bedehusweb.no

Då er programmet for haustens Sundagstreff i Øystese bedehus endeleg klart! Første samling blir komande sundag, 30. august, kl. 11.00. Då får me besøk av Marit A. Røen frå IMS. Denne gongen blir det fellessamling for alle. Velkomen!

Koronasituasjonen gjev oss utfordringar for trygg gjennomføring av arrangement og Øystese Indremisjon er bevisst på dette. Situasjonen kan endra seg og dei gjeldande råda frå Folkehelseinstituttet skal følgjast opp. Er du sjuk eller har luftvegssymptom, er du velkomen ein annan dag 😊

For arrangement i Øystese bedehus gjeld fylgjande:
• Håndsprit er plassert ved inngang til hovudsal. Bruk denne!
• Alle som kjem vert registrert ved inngang til arrangement. Det er svært viktig at alle registrerer seg! Dette er for å evt. kunne smittespore. Øystese Indremisjon oppbevarer listene i 14 dagar etter arrangement før dei vert sletta.
• Familiar og personar i same husstand kan sitje saman. Alle andre skal halde god avstand.
• Kollekt vert teke opp via VIPPS #71210 eller bankkonto 5277.31.32186. Ikkje kontant.
• Før og etter arrangement vert dørhandtak, toalett og andre kontaktflater reingjort.
• Følg smittevernreglane, mellom anna ein meters avstand, handvask m.m.

Fakta, råd og tiltak om koronaviruset finn du på Folkehelseinstituttet sine nettsider: www.fhi.no

Velkomen til Øystese bedehus!

Det er tid for oppstart på arbeidsplasser og skule/ barnehagar. Ein litt våt, men god sommar er tilbakelagt og me gler oss til å kunna invitera til samlingar på bedehuset. Alt 23. august vert den første allesamansamlinga.  Det vert innslag av klubben Kraft RC, presentasjon av dei nye barnegruppe-opplegga og andakt av Arne Øystese.  Dette vert ei fellessamling for heile familien. I haust vert det nye opplegg i alle barnegruppene.  For dei minste, under skulealder, heiter det «Kort og godt».  Eit nytt opplegg frå NLM med bibelforteljing, song og aktivitetar som høver for dei mellom 3 og 5 år.  Småskuleborna får opplegget «Sprell levande» frå Søndagsskulen, med opplegg og aktivitetar tilpassa alderstrinnet.  For dei som er komen i storskule, 5 – 7. klasse held me fram med «Aldri alene», eit samarbeidsprosjekt for fleire organisasjonar.  Aktuelle tema vert tekne opp der. Med dei eksisterande smittevernreglane kan me samla inntil 200 på eit arrangement, men så langt som rommet tillet når me skal praktisera ein-metersregelen.  Familiar kan sitja saman utan avstand.  Me opnar dørene kl 10.45, då fyller me opp så lenge det er plass i store og vetlesalen.  Om folk har hoste, symptom på luftvegssjukdommar eller feber, ber me dei halda seg heime.  Alle vert registerte ved inngangen i tilfelle me treng smittesporing.  Det er difor viktig om nokon vert sjuke i etterkant /skulle få stadfesta Covid 19, at dei straks melder frå til Eli S. Tveitane, 47 30 89 81.  Me vil gjera alt me kan for å skapa trygge møteplasser der smittevernreglane vert respekterte. Ein dugnadsgjeng er i gang med ombygging av galleriet til tumleplass for dei minste (med glasvegg til storesal og høgtalarar slik at ein kan følgja med på programmet).  Arthur Strømme leier dugnaden, men han vil gjerne har med seg fleire.  Meld frå og bli med!  Det skal bli ei god løysing, så støtta gjerne økonomisk.  Sjå elles kontonr. på heimesida.

Velkommen til nye samlingar i Norheimsund bedehus denne hausten!
NIM-styret v/ Eli S.Tveitane

Mandag 24. august startar Norheimsund og Øystese Ungdomskor opp att med øving i Norheimsund bedehus kl. 19.30. Det vert også dette året øving annankvar gong i Norheimsund og Øystese. Semesterplan finn du her. Velkomen til nye og gamle songarar!

Eit av dei få kristne sommararrangementa som faktisk går av stabelen denne sommaren er ImF sin bibelcamp i Lyngdal. Dei fleste møta vert streama på ImF si Facebook-side. I komande veke er det eit team frå Norheimsund Indremisjon og Øystese Indremisjon som har ansvar for song og musikk. Kenneth Foss er møteleiar og Erik Furnes og Jan Rettedal er talarar. Bibeltimar blir sendt kl. 11.15 (tysdag – lørdag), kveldsmøte kl. 19.30 kvar kveld og familiegudsteneste sundag kl. 11.00.

Hausten 2020 blir det Gottman samlivskurs i Norheimsund! Nærare bestemt 11. – 12. sept, 22. sept, 29. sept og 13. okt. Å gå på samlivskurs er vel investert tid! Akkurat som bilen treng service, så treng også parforholdet å bli satt fokus på! Dette er eit kurs som egnar seg både for unge og gamle! John M. Gottman er kjent som verdas fremste samlivsforskar, og har forska på over 3000 par i over 40 år. Ut ifrå dette har Gottman funne 7 prinsipp, som ein finn i dei lukkelege parforholda! Har du lyst til å få betre kjennskap til desse 7 prinsippa? Øve på vanar som kjenneteiknar par som held saman? få kjennskap til kva som er faresignal med tanke på skilsmisse? Då er dette kurset for deg og din kjære! Mange tenkjer kanskje at me har det bra slik me har det og ting fungerar heilt ok! Gottman seier at i velfungerande parforhold, unngår ein mykje stress frå konfliktar, og får styrke til å takle stresset ein møter i kvardagen! Det er også bevist at eit godt ekteskap styrkjer immunforsvaret! Så her er det mange gode grunnar til å bli med på kurset! For å nå ei breiare gruppe, har me valt å ha kurset i amfisalen på Norheimsund skule. Men me vonar likevel at mange frå Norheimsund og Øystese Indremisjon vil melde seg på kurset! De finn meir informasjon om kurset her. Og de kan besøkje vår facebookside: Gottman samlivskurs Norheimsund! Ta gjerne kontakt om det er noko de lurer på eller om de kan tenkje dåke å bidra med noko praktisk på kurset! Det går fint an å vera deltakar samstundes! Kontaktinfo: Marta Gravdal 95700418.

Når det meste er sett på pause i ferietida, kan det vera godt å koma saman til ei delestund i bedehuset.  Eit enkelt opplegg med å koma saman, dela eit Bibelord og livserfaring, lytta og be i lag, er det me inviterer deg til å vera med på kvar tysdagskveld i sommarhalvåret.  Det startar tysdag 30. juni kl. 20.00. Inviter med deg ein ven og kom! «Der to eller tre er samla i mitt namn, der er eg midt iblant dei», Matt. 18.20. 

Velkommen til enkel samling om Guds Ord og bøn! 

Ta med bilen og møt opp ved Norheimsund bedehus kl. 16.30. Du køyrer gjennom ei løype med ulike stasjonar; lynlotteri, trekning av gevinst på skiltnummer på bilen, loddsal til hovudlotteri, mat og drikke… Betaling med Vipps! Ein kan også kjøpe lodd til hovudtrekninga på førehand, enten til Vipps #102696 eller til kontonr. 8220.02.80454. Dersom du nyttar kontonummer, må dette gjerast innan torsdag 18. juni. Oppgje namn og telefonnummer. Hovudtrekninga vert streama på Facebooksida til IMS sundag kveld kl. 19.00. Bli med og støtt IMS 🙂

Sundag 14. juni arrangerer Øystese Indremisjon tur til Stuasete. Det blir Minitreff med andakt av Anna-Mette og Gaute Klyve, natursti for store og små og grilling.

Ta med eigen mat og drikke.  Me stiller med varme grillar. Parkering ved bommen eller på Sæleset. Parkering kostar 30 kr. Dersom nokon treng skyss; kontakt Bent Inge Bentsen tlf. 992 10 126.

Hugs vanlege smittvern-reglar gjeld sjølv om me er ute; god avstand og reine hender! Berre dei som er friske kan vere med.

Program:
kl. 11.00: Registrering
kl. 11.15: Minitreff med andakt
kl. 12.00: Natursti
kl. 13.00: Grilling

Blir kjekt å møtast igjen 🙂 Velkomen!