Kategori: N&Ø Indremisjon

Det er november og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – november 2012: Helga Almenning.

Fortsett å lese «Månadens profil – november 2012»

Onsdag 28. november kjem bandet Pareli til Norheimsund kyrkje for å halde julekonsert. Konserten er ein del av ein juleturne i samband med at Pareli slepp si fyrste juleplate, «Kling no klokka». Bandet består av Arne Pareli Pedersen (vokal), Rune H. Hermundsplass (gitar), Thomas Gallatin (slagverk), Ragnar Løsnesløkken (bass) og Gunnar Melbø (tangentar). Meir info om Pareli finn du her. Konserten startar kl. 19.00 og det blir billettsal i døra. Arrangør av konserten er organistane i Kvam. Velkomen til konsert!

Laurdag 24. november er det klart for julemesse i Norheimsund bedehus. Messa opnar kl. 10.00. Det vert sal av gåveartiklar og matvarer, mellom anna nysteikte mjølkekaker. Kafeen er open heile dagen. Det blir tombola for born og vaksne, misjonssamlingar med Helga og Arnfinn Røyland (kl. 12.00 og 15.00) og basar med åresal og hovudtrekning. I år går overskotet til Sentral-Asia og kristent fagpersonell. Arrangør er Norheimsund, Tørvikbygd og Øystese Misjonssamband. Velkomen til julehandel i Norheimsund bedehus!

Norheimsund & Øystese Ungdomskor kjem med si fjerde cdutgjeving. Det har gått åtte år sidan sist plate, «Streets of Gold», kom. Meir om tidlegare utgjevingar kan du lese her. Koret har jobba med cden sidan april. Tittelen «Bound By His Spirit» er henta frå avslutningssporet Undivided. På plata medverkar, i tillegg til kor, solistar og band, gjestemusikarane Audun Galtung (fiolin og gitar), Christian Fonneland (gitar) og Hans Kristian Bjelland (sag!). Beate Augestad har laga coveret og Bjørnar Sangolt har stått for miksing og mastering. Cden vert trykt hjå Master Music AS. Vidar Sangolt er dirigent og produsent. Plata er samansett av fjorten spor. På repertoaret står blant anna kjende salmar i nye arrangement. Opningssporet er instrumentalen Winter Games henta frå OL i Calgary 1988. Koret har også spelt inn si eiga utgåve av Fader Vår, skrive av Vidar Sangolt.

Sundag 9. desember vert det cd-slepp med konsert i Norheimsund kyrkje! Meir info om kvar cden vert seld kjem seinare.

Tysdag 13. november inviterer Norheimsund Indremisjon til medlemsmøte i Norheimsund bedehus kl. 19.00. Husstyret orienterer om planar for oppussing av hovudsal. Velkomen!

Origo UNG ynskjer velkomen til tiande utgåve av Rejoice! Ungdomskonferansen vert arrangert i Norheimsund bedehus 2. – 4. november. Over hundre deltakarar var samla i fjor – me håpar å samle endå fleire i år! Velkomen til møte, konsertar, lovsong, bøn, seminar og fellesskap i Norheimsund bedehus! Tema for Rejoice 2012 er «Restart». Talar er, i år som i fjor, Tor Ingvald Lauvrak (biletet) frå ImF. Du kan lade opp til årets Rejoice med å høyre opptak av talane frå fjorårets utgåve i podcasten vår. Seminarhaldar er Emil Andre Erstad. Det blir konsert med koret Redeemed frå Bergen fredag og ein lovsongskonsert med ulike aktørar laurdag. Klikk her for meir info, program og påmelding. Velkomen til Rejoice 2012!

Fortsett å lese «Rejoice 2012»

Det er oktober og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – oktober 2012: Anna Mette Hals Klyve.

Fortsett å lese «Månadens profil – oktober 2012»

Korleis kan me samordna engasjementet vårt til ei teneste der med styrkjer kvarandre og det kan verta til hjelp for andre som treng den tenesta? Karen Midttun er sjukepleiar, tidlegare misjonær i Bangladesh. Ho har vore med og bygd opp forbønstenesta i IMI-kyrkja i Stavanger. Ho vil vera med og dela litt av deira erfaringar i prosessen med å byggja opp forbønstenesta lokalt og vil lytta og tenkja høgt med oss i prosessen vår. Sjølvsagt vert det tid til bøn for og med kvarandre. Det vert seminar fredag 19. oktober kl 19.30 – 22.00 og laurdag 20.oktober kl. 9.30 – 12.30 i Norheimsund bedehus. Alle er velkomne! Arrangør er Storsamlinga (Norheimsund indremisjon og Øystese Indremisjon).

18. – 20. oktober reiser Norheimsund & Øystese Ungdomskor, Krik Kvam og Origo ungdomsklubb på tur til Helgatun. På programmet står blant anna bli-kjent-kveld, natursti, uteaktivitetar, bibeltimar, korøving og underhaldningskveld. Påmeldinga har starta. Send epost til vidar.sangolt@imf.no dersom du vil vere med. Her finn du meir info om turen.

Det er september og klart for ein ny profil her på bedehusweb.no. Kvar månad kjem eit kort bli-kjent-intervju med ein person tilknytta Norheimsund Indremisjon eller Øystese Indremisjon. Denne personen får utfordre neste månadens profil. Månadens profil – september 2012: Mirjam Eide Gravdal.
Fortsett å lese «Månadens profil – september 2012»