Dette året har me sett opp to ettermiddagar til den årlege dugnaden med vasking, rydding og anna som me ynskjer å få gjort: torsdag 4. juni, og tysdag 9. juni kl. 17.30 – 20.30 med innlagt kaffipause. Me håpar at mange har høve til å vera med! Ta kontakt med Olav Helleve, epost; rag-he@online.no/ tlf. 91122640 og sei kva dag(ar) som passar. Vel møtt!
Blåtur
Måndag 1. juni vert det blåtur for Norheimsund og Øystese Ungdomskor. Det blir avreise frå Norheimsund bedehus kl. 18.00 og me er tilbake ca. kl. 21.30. Turen er heilt gratis, men ta med grillmat, drikke og varme klede. Dei som skal byrje i 8. klasse til hausten er spesielt velkomne til å bli med!
17. mai-fest i Norheimsund
Norheimsund Indremisjon har gleda av å invitere til fest i Norheimsund bedehus 17. mai kl.18.30. Årets talar er Jostein Skutlaberg. Det vert også program for borna, musikk ved Øyvind Kleven, Kjersti Berg Leiren og Øyvind Nyborg, mat og kollekt. Alle er hjarteleg velkomne!
Kjøkendugnad i Norheimsund bedehus
Me er i starten av kjøkenfornyinga som vart vedteken på årsmøtet i februar, målet er å få ferdig det vesle «møtekjøkenet» i 1. etg. i løpet av våren. Me ynskjer å gjera det meste på dugnad for å redusera kostnaden. Då treng me dugnadsfolk, og har du anledning til å bidra – på dag- eller kveldstid – så meld ifrå til Olav Helleve (911 22 640) og avtal kva tid og arbeid som høver. Arbeidsoppgåver: Tilleggsisolering, legging av golvbelegg, montering av kjøkenseksjonar (flatpakka), skifta 3 vindaugo og dør, måling og diverse anna. Vel møtt!
Her finn du info om nye kjøken oppe og nede i Norheimsund bedehus.
Velkomen til møteveke!
21. – 26. april blir det møteveke med Marit Stokken frå ImF i Norheimsund bedehus. Det blir møte kvar kveld tysdag – sundag kl. 19.30. Sundag kl. 11.00 er det Storsamling med eige barneopplegg. Sjå heile programmet her. Fortsett å lese «Velkomen til møteveke!»
Nepalkveld
Tysdag 28. april kl. 19.30 vert det Nepalkveld i Norheimsund bedehus. Øystein Ådland fortel og viser bilete frå ein gruppetur til Nepal, bl.a. frå arbeidet til Ragnhild og Tore Skeie. Det vert kollekt til HimalPartner og enkel bevertning. Alle er velkomne! Arrangør er Himalgruppa i Norheimsund.
Misjonsmøte
Sundag 12. april kl. 19.00 blir det misjonsmøte i Norheimsund bedehus. Det vert tale ved generalsekretær i Den Norske Israelsmisjon Rolf Gunnar Heitmann (biletet). Misjonssekretær Odd Bjarne Skogestad deltek også. Det blir misjonsinformasjon og offer. Arrangør er Den Norske Israelsmisjon. Alle er velkomne!
Nye kjøken i Norheimsund bedehus
Det har vore fleire oppussingsprosjekt på bedehuset dei siste åra som har gjort huset innbydande og fint, og no er det kjøkenet sin tur. Det er ikkje gjort særlege investeringar på kjøkenet sidan bedehuset var nytt i byrjinga av 1960-talet. Indremisjonen har pengar på bok til å lage kjøken bak vetlesalen i hovudetasjen, men for å kunne gjere hovudkjøkenet i kjellaren godkjent og meir tenleg, trengst det mykje pengar. Har du/ de lyst å vere med å lage eit tenleg kjøken på bedehuset, er me takknemlege for alle gåver. Me treng pengar til å betale handverkarar og materiale, og me treng pengar for å kunne utstyre kjøkenet (nytt service, glas, bestikk, gryter og serveringsfat). De kan øyremerke gåvene og setje inn pengar på den nyoppretta kjøkenkontoen vår 3530.27.67287.
Fortsett å lese «Nye kjøken i Norheimsund bedehus»
Marit Stokken til Norheimsund
21. – 26. april blir det møteveke med Marit Stokken frå ImF i Norheimsund bedehus. Det blir møte kvar kveld tysdag – sundag kl. 19.30. Sundag kl. 11.00 er det Storsamling med eige barneopplegg. Lokale musikkrefter deltek. Arrangør er Norheimsund Indremisjon. Alle er velkomne!
Jazzmesse i Øystese kyrkje
Fredag 27. mars kl. 20.00 inviterer Øystese Indremisjon og Øystese Sokneråd til Jazzmesse i Øystese kyrkje. Jazzmesse er eit musikkverk komponert og arrangert av Sondre Ferstad og Runar Netland, skrive for jazzkvintett. Musikken er nykomponert, og teiknar store, drøymande bilete med ein musikalsk palett. Opplev ein nyskapande og vakker kyrkjekonsert saman med framifrå musikarar frå Oslo; Sondre Ferstad (munnspel), Runar Netland (slagverk), Martin Johannessen (tangentar), Martin Ulltang (kontrabass), Ester Lorentzen (vokal) og Håkon Aulie (lydteknikar). Inngang: 150,- kr. for vaksne og 50,- kr. for studentar/ born. Velkomen!